„ბარსელონას“ პრეზიდენტმა ჟოან ლაპორტამ განაცხადა, რომ ნეიმარს კლუბში დაბრუნება სურდა, ხოლო ლიონელ მესის დარჩენა უბრალოდ შეუძლებელი იყო.

„მესი ვერ დარჩებოდა. ვფიქრობ, რომ ორივე მხარე იმედგაცრუებულები ვიყავით, რადგან ეს არ იყო ის, რაც გვინდოდა. მას შემდეგ ჩვენ ერთმანეთთან არ გვისაუბრია. ვნახე მისი დებიუტი პსჟ-ში და უცნაური იყო მისი ნახვა ჩვენი ერთ-ერთი კონკურენტის მაისურით.

სუპერლიგის პროექტი ცოცხალია. სამი კლუბი, რომელიც პროექტს იცავს, ყველა სასამართლო საქმეს იგებს, უეფა მას ვერ შეაჩერებს. რასაკვირველია, შეიძლებოდა უკეთესი სახით წარმოდგენაც.

ჩვენ ვცადეთ ნეიმარის ყიდვა, ის დაგვიკავშირდა, ჩვენთან დაბრუნება სურდა, გიჟური სურვილი ჰქონდა, მაგრამ საბოლოოდ ეს არ გამოვიდა“, - თქვა ლაპორტამ.