კატალონიის „ბარსელონას“ თავდამსხმელმა სერხიო აგუერომ განაცხადა, რომ „მანჩესტერ სიტიში“ ფეხბურთელები ვარჯიშზე გაცილებით ადრე მიდიან, ვიდრე ესპანურ კლუბში.

„სიტიში“ ვარჯიშზე საათნახევრით ადრე მივდიოდით, „ბარსელონაში“ კი ყველა ნახევარი საათით ადრე მოდის. ერთხელ გადავწყვიტე, რომ 1 საათით ადრე მივსულიყავი, მაგრამ სპორტულ დარბაზში არავინ დამხვდა. ყველაფერი დახურული იყო“, - თქვა აგუერომ.

შეგახსენებთ, სერხიო აგუერო „მანჩესტერ სიტიში“ 2011-2021 წლებში თამაშობდა, ხოლო „ბარსელონას“ მიმდინარე სეზონის წინ შეუერთდა.