პირეოსის „ოლიმპიაკოსის“ მცველი რუბენ სემედუ საბერძნეთში დააპატიმრეს 17 წლის გოგონას გაუპატიურების ბრალდებით. ინფორმაციას ბერძნული მედია ავრცელებს.

წყაროს თანახმად, 29 აგვისტოს, 17 წლის გოგონა პოლიციას მიმართა და თქვა, რომ სემედუს ოროპოსის ბარში შეხვდა, სადაც დალია, შემდეგ სახლში წაიყვანა და გააუპატიურა. ამ დროისთვის 27 წლის პორტუგალიელი ფეხბურთელი პატიმრობაშია.

შეგახსენებთ, რუბენ სემედუ „ოლიმპიაკოსში“ 2019 წლიდან თამაშობს. გასულ სეზონში მან საბერძნეთის ჩემპიონატში 30 მატჩში 1 გოლი და 1 საგოლე პასი მიითვალა. მანამდე სემედუს „სპრტინგში“, „ვილიარეალში“, „უესკასა“ და „რიუ ავეში“ უთამაშია.