საქართველოს ნაკრებისა და „ჰატაისპორის“ ნახევარმცველი საბა ლობჟანიძე თურქეთის სუპერლიგის მესამე ტურის სიმბოლურ ნაკრებში მოხვდა. ქართველ შემტევს კარგი თამაში Bein Sports-მა დაუფასა.

ლობჟანიძემ მესამე ტურში „ალანიასპორთან“ გოლი და საგოლე პასი მიითვალა. გოლზე ცალკე უნდა ითქვას, საოცარი სილამაზის ბურთი გაიტანა.

აღსანიშნავია, რომ ქართველმა შემტევმა მიმდინარე სეზონში სამივე ტურში შეძლო თავის გამოჩენა და ბომბარდირთა დავასაც 3 გოლით ლიდერობს. შეგახსენებთ, საბა ლობჟანიძე „ჰატაისპორს“ მიმდინარე ზაფხულს „ანკარაგიუჯუდან“ შეუერთდა.