კრიშტიანუ რინალდუს „მანჩესტერ სიტიში“ გადასვლა პრაქტიკულად გადაწყვეტილია. პორტუგალიელი ფეხბურთელი ტურინული გრანდის ბაზაზე თანაგუნდელებს დაემშვიდობა და დარწმუნებულია, რომ ინგლისში დაბრუნდება.

როგორც ბრიტანული მედია იტყობინება, კრიშტიანუ „სიტიში“ იმაზე გაცილებით ნაკლებ ხელფასს მიიღებს, ვიდრე იტალიაში ჰქონდა. „იუვეში“ ის სეზონში 31 მილიონ ევროს გამოიმუშავებდა, მანჩესტერში კი სეზონში 15 მილიონი ევრო ექნება. მხარეები ორწლიან კონტრაქტს გააფორმებენ.

მოსალოდნელია, რომ დღეს ყველაფერი დასრულდება და რონალდუ ინგლისში ჩავა. „სიტი“ „იუვენტუსს“ სავარაუდოდ 30 მილიონ ევროს გადაუხდის. შეგახსენებთ, რომ კრიშტიანუ რონალდუ „იუვენტუსში“ 2018 წლიდან თამაშობდა და 134 მატჩში 101 გოლი გაიტანა.