ინგლისელმა ფეხბურთელმა პატრიკ ბემფორდმა "ლიდს იუნაიტედთან" კონტრაქტი გაახანგრძლივა და გუნდში 2026 წლის ივლისამდე დარჩება. აღნიშნულ ინფორმაციას კლუბის ოფიციალური ვებგვერდი ავრცელებს.

ბემფორდი "ლიდს იუნაიტედში" 2018 წელს "მიდლსბროდან" გადავიდა. მას შემდეგ პატრიკმა 111 მატჩი ჩაატარა და 43 გოლი გაიტანა. გასულ სეზონში ინგლისელმა პრემიერლიგაში 38-ვე შეხვედრაში მიიღო მონაწილეობა და თავი 17 გოლით და რვა საგოლე გადაცემით გამოიჩინა.