ზაფხულის XXXII ოლიმპიური თამაშები დასრულდა და ყველა მედალი გათამაშდა. შედეგად, გაირკვა, რომ საქართველომ საერთო ჩათვლაში 33-ე ადგილი დაიკავა. ჩვენი ქვეყნის დელეგაციამ საკმაოდ წარმატებულ ქვეყნებს გაუსწრო, მაგალითად თურქეთს, საბერძნეთს, ისრაელს, უკრაინას, სლოვაკეთს, ავსტრიას და ა.შ. აღსანიშნავია, რომ თუნდაც კიდევ ერთი ოქროს მედალი რომ მოგვეპოვებინა, შედეგი გაცილებით კარგი იქნებოდა.

მოგეხსენებათ, უპირატესი არის ოქროს მედალი და არა მედლების რაოდენობა. მედლების რაოდენობის მიხედვით საქართველო 29-ე ადგილზეა.

საინტერესოა, რომ თითქმის მთელი ოლიმპიადა პირველ ადგილზე ჩინეთი იყო, მაგრამ ზუსტად ბოლო საშეჯიბრო დღეს ამერიკის შეერთებულმა შტატებმა გადაასწრო და ერთი ოქროს მედლით აჯობა. შედეგად, აშშ საერთო ჩათვლის ლიდერია, ხოლო ჩინეთს მეორე ადგილი ერგო. სამეულში მოხვდა მასპინძელი იაპონია.

1. აშშ - 113 მედალი (39 ოქრო, 41 ვერცხლი, 33 ბრინჯაო)

2. ჩინეთი - 88 მედალი (38 ოქრო, 32 ვერცხლი, 18 ბრინჯაო)

3. იაპონია - 58 მედალი (27 ოქრო, 14 ვერცხლი, 17 ბრინჯაო)

4. დიდი ბრიტანეთი - 65 მედალი (22 ოქრო, 21 ვერცხლი, 22 ბრინჯაო)

5. რუსეთის ოლიმპიური კომიტეტი - 71 მედალი (20 ოქრო, 28 ვერცხლი, 23 ბრინჯაო)

6. ავსტრალია - 46 მედალი (17 ოქრო, 7 ვერცხლი, 22 ბრინჯაო)

7. ნიდერლანდები - 36 მედალი (10 ოქრო, 12 ვერცხლი, 14 ბრინჯაო)

8. საფრანგეთი - 33 მედალი (10 ოქრო, 12 ვერცხლი, 11 ბრინჯაო)

9. გერმანია - 37 მედალი (10 ოქრო, 11 ვერცხლი, 16 ბრინჯაო)

10. იტალია - 40 მედალი (10 ოქრო, 10 ვერცხლი, 20 ბრინჯაო)

...33. საქართველო - 8 მედალი (2 ოქრო, 5 ვერცხლი, 1 ბრინჯაო)

მედლების რეიტინგი სრულად იხილეთ აქ...

აქვე შეგახსენებთ, ქართველ მედალოსნებს: ვაჟა მარგველაშვილი (25 ივლისი, ძიუდო, ვერცხლი), ლაშა შავდათუაშვილი (26 ივლისი, ძიუდო, ვერცხლი), ლაშა ბექაური (28 ივლისი, ძიუდო, ოქრო), გურამ თუშიშვილი (30 ივლისი, ძიუდო, ვერცხლი), ანტონ პლესნოი (31 ივლისი, ძალოსნობა, ბრინჯაო), იაკობ ქაჯაია (2 აგვისტო, ბერძნულ-რომაული ჭიდაობა, ვერცხლი), ლაშა ტალახაძე (4 აგვისტო, ძალოსნობა, ოქრო), გენო პეტრიაშვილი (6 აგვისტო, თავისუფალი ჭიდაობა, ვერცხლი).