ფარიკაობის საერთაშორისო ფედერაციამ რეიტინგი განაახლა, რომელშიც სანდრო ბაზაძე ერთი პოზიციით დაწინაურდა.

ქართველი მოფარიკავე ამჟამად მეოთხე პოზიციაზე იმყოფება და კარიერაში საუკეთესო რეიტინგი აქვს. სანდროს მხოლოდ სამი მოფარიკავე უსწრებს. ტოკიოს ოლიმპიადის ჩემპიონი უნგრელი არონ შილაგი, რომელთანაც ნახევარფინალში სკანდალური შეხვედრა წააგო, იტალიელი ლუიჯი სალემე, რომელმაც ტოკიოში ვერცხლის მედალი მოიპოვა და სამხრეთ კორეელი ოჰ სანგუკი.

შეგახსენებთ, სანდრო ბაზაძემ ტოკიოს ოლიმპიადაზე ნახევარფინალში გასვლა შეძლო, სადაც მსაჯების საეჭვო გადაწყვეტილებების გამო არონ შილაგთან 13:15 დამარცხდა, ხოლო შემდეგ ბრინჯაოს მედლისთვის შეხვედრაც წააგო და ოლიმპიურ თამაშებზე მეოთხე ადგილი დაიკავა.