ტოკიოს ოლიმპიადაზე თავისუფალ ჭიდაობაში ქართველი ფალავნები ჩაერთვნენ და 125 კგ წონით კატეგორიაში გენო პეტრიაშვილმა პირველი შეხვედრა ადვილად მოიგო.

ქართველი მოჭიდავე ეგვიპტელ ქამალ აბდელმოტალების დაუპირისპირდა და აშკარა უპირატესობით 11:0 დაამარცხა, რის შედეგადაც მომდევნო ეტაპზე გასვლა არ გასჭირვებია.

გენო მეოთხედფინალში საკმაოდ ძლიერ და გამოცდილ მეტოქეს დაუპირისპირდება - ჩინელ ჟივეი დენგს, რომელმაც რუსი სერგეი კოზირევი 4:1 დაამარცხა.

შეგახსენებთ, თავისუფალ ჭიდაობაში 6 წონიდან საქართველოს 3 წონაში ჰყავს მხოლოდ წარმომადგენელი. 74 კგ წონით კატეგორიაში დღეს ავთანდილ კენჭაძემ მერვედფინალში იტალიის წარმომადგენელ ფრანკ ჩამიზოსთან 1:5 წააგო, ხოლო 6 აგვისტოს ასპარეზობაში ელიზბარ ოდიკაძე (97 კგ) ჩაერთვება.