უმშვენიერესი და ძალიან პოპულარული ფრანგი მოდელი მეგან როჩე სხვა მოდელებისგან ბევრი რამით გამოირჩევა. მეგანს ძალიან უყვარს ფეხბურთი, კითხვა და ფრანგი ჟურნალისტები მუდამ აღნიშნავენ, რომ ამ გოგოსთან საუბარი მათი მხრიდან წინასწარ მომზადებას და კითხვების სწორად დასმას მოითხოვს.
გუშინწინ, როდესაც მთელი საფრანგეთი პსჟ-ს და “ლილის“ შორის გასამართი სუპერთასის ისტორული შეხვედრისთვის ემზადებოდა, მეგან როჩემ ფეისბუქის საკუთარ გვერდზე დაწერა, რომ იმ მატჩში მხარს “ლილის“ უჭერდა და ფიქრობდა, რომ თასის აღებას სწორედ ეს გუნდი იმსახურებდა.
მეგანი წარმოშობით პარიზელია და პარიზშია გაზრდილი. სწორედ ამიტომაც, უმეტესობას გაუკვირდა მისი არჩევანი. არადა, ამ გოგოს შარშანაც აქვს ნათქვამი, რომ პსჟ აღარ მოსწონს და ძველი, უფულო, მაგრამ ხალხისთვის საყვარელი პსჟ ახსოვს და ენატრება. როგორც იცით, საფრანგეთის სუპერთასი სწორედ “ლილიმ“ აიღო და ეს მშვენიერი ასულიც ამით ძალიან გაიხარებდა.
