კალათბურთი

9:06 | 30.07.2021 | ნანახია [] - ჯერ

სანდრო მამუკელაშვილი NBA-ში ითამაშებს: ქართველი ჩემპიონმა "მილუოკიმ" აირჩია!

სანდრო მამუკელაშვილი NBA-ში ითამაშებს. ქართველი კალათბურთელის ახალი გუნდი კი მოქმედი ჩემპიონი „მილუოკი ბაქსია“! დრაფტზე მამუკელაშვილი 54-ე ნომრად „ინდიანა პეისერსმა“ აირჩია, მაგრამ ბითაძის გუნდმა ის „მილუოკი ბაქსს“ გაუცვალა.

სხვათა შორის, „მილუოკის“ ისტორიაში სანდრო პირველი ქართველი არ არის: 2004-2005 და 2013-2015 წლებში ზაზა ფაჩულია სწორედ „ბაქსის“ ღირსებას იცავდა და გუნდის ერთ-ერთი გამორჩეული წევრიც იყო.

მთლიანობაში სანდრო მამუკელაშვილი NBA-ში მეექვსე ქართველია ვლადიმერ სტეფანიას, ნიკოლოზ ცქიტიშვილის, ზაზა ფაჩულიას, თორნიკე შენგელიასა და გოგა ბითაძის შემდეგ. მომდევნო სეზონიდან სწორედ გოგა და სანდრო ითამაშებენ ეროვნულ საკალათბურთო ასოციაციაში.

შეგახსენებთ, სანდრო მამუკელაშვილი აქამდე სტუდენტურ ლიგაში, „სეტონ ჰოლის“ ღირსებას იცავდა და გასულ სეზონში სეზონში საშუალოდ 17.5 ქულას. 7.6 მოხსნას, 3.2 პასს და 1.1 ჩაჭრას აგროვებდა. „მილუოკი“ კი რამდენიმე დღის წინ NBA-ს ჩემპიონი გახდა, მას შემდეგ, რაც ფინალურ სერიაში „ფინიქს სანსი“ დაამარცხა.

0.137886