ფეხბურთი

23:46 | 29.07.2021 | ნანახია [] - ჯერ

კახა ცხადაძე: "დინამო თბილისი" დღეისთვის ამ დონეზე სათამაშოდ მზად არაა"

„დინამო თბილისის“ მთავარმა მწვრთნელმა კახა ცხადაძემ ჰაიფას „მაკაბისთან“ (1:5) მატჩის შემდეგ პრესკონფერენციაზე კომენტარი გააკეთა. როგორც მან აღნიშნა, „დინამო“ ამ დონეზე სათამაშოდ მზად არ არის.

„თამაში როგორ შევაფასო არ ვიცი, პირველ რიგში, მინდა გულშემატკივარს ბოდიში მოვუხადო. პირველ ტაიმში არაერთი მომენტი ვერ გამოვიყენეთ, სამაგიეროდ გოლები დაცვაში დაშვებული შეცდომებით მივიღეთ. რაც შემიძლია ვთქვა, ის არის, რომ დღეისთვის ჩვენი გუნდი არ არის მზად ამ დონეზე სათამაშოდ. კიდევ ერთხელ ვამბობ, ახლა ძნელია ყველაფრის ანალიზი. რა თქმა უნდა, მწვრთნელი პასუხისმგებელია, ფაქტია, რომ მესამე გოლის შემდეგ დავიშალეთ“, - თქვა ცხადაძემ.

შეგახსენებთ, „დინამო თბილისმა“ ჰაიფას „მაკაბისთან“ ორი მატჩის ჯამში 2:7 წააგო და კონფერენს ლიგას გამოეთიშა.

0.119405