ძიუდო

21:25 | 20.07.2021 | ნანახია [] - ჯერ

ლაშა ბექაური: "გულშემატკივარი ჩვენგან ბევრ მედალს უნდა ელოდოს"

საქართველოს ძიუდოისტთა ნაკრები ტოკიოში ოლიმპიური თამაშებისთვის ემზადება. ნაკრების მთავარმა მწვრთნელმა ლაშა გუჯეჯიანმა და ერთ-ერთმა ლიდერმა ლაშა ბექაურმა კომენტარი გააკეთეს.

ლაშა ბექაური: „გუნდმა სრული დატვირთვით მომზადება დავიწყეთ, საქართველოს ძიუდოს ნაკრები ოპტიმალურ ფორმაშია და გულშემატკივარი ჩვენგან ბევრ მედალს უნდა ელოდოს. ჩვენ გამარჯვებისთვის ბოლომდე ვიბრძოლებთ და ყველაფერს გავაკეთებთ იმისთვის, რომ ჩვენი გულშემატკივარი გავახაროთ“

ლაშა გუჯეჯიანი: „ძიუდოს ნაკრები სრულ მზადყოფნაშია, რომ ოლიმპიურ თამაშებში ჩაერთოს, 7 დღის განმავლობაში გვექნება შეჯიბრება და დიდ იმედს ვიტოვებ, რომ დიდ წარმატებებს მივაღწევთ. მთლიანად ქართულ დელეგაციას დიდ წარმატებებსა და ოქროს მედლებს ვუსურვებ“, - თქვა ძიუდოისტთა ნაკრების მთავარმა მწვრთნელმა ლაშა გუჯეჯიანმა.

ტოკიოს ოლიმპიადაზე ძიუდოს ტურნირი 24 ივლისიდან 30 ივლისის ჩათვლით გაგრძელდება. საქართველოს ნაკრები კი შემდეგი შემადგენლობით იასპარეზებს:

ლუხუმ ჩხვიმიანი - 60 კგ

ვაჟა მარგველაშვილი - 66 კგ

ლაშა შავდათუაშვილი - 73 კგ

ტატო გრიგალაშვილი - 81 კგ

ლაშა ბექაური - 90 კგ

ვარლამ ლიპარტელიანი - 100 კგ

გურამ თუშიშვილი + 100 კგ

ტეტიანა ლევიცკა-შუკვანი - 52 კგ

ეთერ ლიპატელიანი - 57 კგ

0.12893