ფეხბურთი

10:27 | 17.07.2021 | ნანახია [] - ჯერ

პერესი: "იოზილის შეყვარებულს სექსი "მილანის" და "ინტერის" ყველა ფეხბურთელთან და მთელ სტაფთან ჰქონდა"

ესპანურმა გამოცემა El Confidencial-მა ფლორენტინო პერესის კიდევ ერთი აუდიოჩანაწერი გამოაქვეყნა, ამჯერად ის მესუთ იოზილს უკავშირდება. პერესი ჰყვება როგორ უყვარდა გერმანელ ფეხბურთელს მოდელი, რომელსაც სექსი „მილანისა“ და „ინტერის“ ყველა ფეხბურთელთან ჰქონდა.

„მადრიდში 21 წლის გოგოსთან ერთად ჩამოვიდა, მაგრამ როდესაც მადრიდის ცხოვრება გაიცნო, მას დაშორდა და თავისი ცხოვრება შეცვალა. შემდეგ შეუყვარდა იტალიელი მოდელი, რომელიც მილანიდან იყო. პირადი თვითმფრინავით მასთან მილანში მიდიოდა, ურთიერთობა ჰქონდათ და შემდეგ უკან ბრუნდებოდა.

ერთ დღეს მოურინიომ უთხრა: „შეიძლება მამასავით დაგელაპარაკო?“, რაზეც იოზილმა უპასუხა, რომ რა თქმა უნდა. „ის გოგო, რომელსაც ხვდები „ინტერისა“ და „მილანის“ ყველა ფეხბურთელთან და ორივე გუნდის სამწვრთნელო შტაბის წევრებთან იწვა“. იოზილმა ამის შემდეგ მოდელი მიატოვა“, - ამბობს პერესი.

როგორც უცხოური გამოცემები წერენ, პერესი ვენესუელელ მოდელს, აიდა იესპიკას გულისხმობდა, რომელსაც იოზილი სწორედ „რეალში“ თამაშის დროს ხვდებოდა. იესპიკა 2002 წელს „მის ვენესუელა“ გახდა და შემდეგ მილანში გადავიდა საცხოვრებლად, სადაც რომანი არაერთ ფეხბურთელთან ჰქონდა.

შეგახსენებთ, ფლორენტინო პერესს ბოლო დღეებში რამდენიმე აუდიოჩანაწერი გაუსაჯაროვეს, რომლებშიც იკერ კასილიასს, კრიშტიანუ რონალდუს, რაულს, ლუიშ ფიგუს და მადრიდის „რეალის“ სხვა ყოფილ ფეხბურთელებს შეურაცხყოფას აყენებს.

0.153414