იტალიური ფეხბურთის ლეგენდამ პაოლო მალდინიმ ევრო 2020-ის შემდეგ თანამემამულეების ტრიუმფის შესახებ კომენტარი გააკეთა. როგორც მან აღნიშნა, ეს გამარჯვება აუცილებელი იყო იმის საჩვენებლად, რომ იტალიური ფეხბურთის შესახებ არასწორი წარმოდგენა არსებობს და ისინი დაბრუნდნენ იქ, სადაც ყოველთვის იყვნენ.
“ეს ტრიუმფი ამ ქვეყნისთვის ბედნიერების პირველი ნიშანია ამდენი რთული თვის შემდეგ. იტალიური ფეხბურთი დაბრუნდა იქ, სადაც ყოველთვის იყო. არ უნდა დავივიწყოთ, რომ ჩვენ 4-ჯერ გვაქვს მსოფლიოს ჩემპიონატი მოგებული და ახლა უკვე ორჯერ ევროპის. ჩვენი გამარჯვება აუცილებელი იყო იმის საჩვენებლად, რომ ჩვენი ფეხბურთის შესახებ მრავალი ცრურწმენა არსებობს. როდესაც იტალიაზე ვსაუბრობთ, ვსაუბრობთ კატენაჩოზე, მაგრამ ამ დროს უელსი და ინგლისი მთელი თამაში თავის ნახევარზე გველოდნენ.
მწვრთნელის მთავარი საქმეა სხვადასხვა ადამიანისა და ინდივიდუალობის შერწყმა და მანჩინი ამაში შესანიშნავია. იმის გათვალისწინებით, რომ ჩვენ ყველაფერი მსოფლიოს ჩემპიონატზე ვერ გასვლის შემდეგ დავიწყეთ, ეს არ იყო მარტივი მიზანი. იტალიას რაღაც განსხვავებული ჰქონდა“, - თქვა მალდინიმ.
შეგახსენებთ, იტალიის ნაკრებმა ევროპის ჩემპიონატის ფინალში ინგლისი „უემბლიზე“ დაამარცხა და კონტინენტის პირველობა ისტორიაში მეორედ მოიგო.
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია
დომინაცია კარგია, მაგრამ ბევრ მომენტს ვაფუჭებთ. მხოფლიოზეც ბოლო ვიყავით გაჭრილი ხაზის შემდეგ აღებული ქულებით, მხოლოდ 9 პროცენტში მოვახერხეთ ქულების აღება, და ახლაც პირველ ტაიმში 20+ მომენტი და მხოლოდ 2 ჯერ ავიღეთ ქულები. მაგრამ წინსვლა იგრძნობა და ამ ტემპში თამაშს თუ მივეჩვევით, ძალიან წაგვადგება.
პ.ს. ნინიაშვილი უბრალოდ სასწაულია, დღეს ულაპარაკოდ მსოფლიოს საუკეთესო 10ეულში შედის, პირადად ჩემთვის საუკეთესოა