კალათბურთის ეროვნული ფედერაციის პრეზიდენტი პაატა გურასპაული ასაკობრივი ლიგების კლუბებს, გუნდებს, მწვრთნელებს და წარმომადგენლებს შეხვდა.

შეხვედრა დღეს, 3 ივლისს, 14:00 საათზე, ოლიმპიურ სასახლეში გაიმართა, სადაც გუნდების ნაწილი ადგილზე იმყოფებოდა, ნაწილი კი მას ონლაინ, ზუმის მეშვეობით დაესწრო.

კალათბურთის ფედერაციამ 2020-2021 წლების სეზონის ასაკობრივ ჩემპიონატებთან დაკავშირებით უკვე მე-4-ედ ჩაატარა ასაკობრივ ლიგებში მონაწილე გუნდებთან სამუშაო შეხვედრა. დღევანდელი შეკრების მიზანი, მიუხედავად პანდემიის გამოწვევებისა და სირთულეებისა, ასაკობრივი ჩემპიონატების დაწყების საბოლოო თარიღების დადგენა იყო.

შეხვედრა მსჯელობისა და კითხვა-პასუხის რეჟიმში წარიმართა. გუნდების მზაობით და საერთო შეთანხმებით, გადაწყდა რომ წლევანდელი სეზონის U16, U18 და U20 ჩემპიონატები მიმდინარე წლის 1 სექტემბრიდან დაიწყება, რათა ამ ასაკის მოთამაშეებს უმნიშვნელოვანესი სათამაშო წელი არ დაეკარგოთ.

როგორც მოგეხსენებათ, ამ დროისთვის ასაკობრივი ჩემპიონატებიდან უკვე მიმდინარეობს ჯუნიორ-NBA , ხოლო 14-წლამდელთა საქართველოს ჩემპიონატი „ა“ და „ბ“ ლიგებში სულ რამდენიმე დღეში, 6 ივლისიდან დაიწყება.

2020-2021 წლის სეზონის ასაკობრივი ლიგებისა და უახლოესი ღონისძიებების კალენდარი ასეთია:

6 ივლისი – 30 ივლისი – 14 წლამდელთა „ა“ ლიგა;

6 ივლისი – 30 ივლისი – 14-წლამდელთა „ ბ“ ლიგა;

12 ივლისი – 16 ივლისი – ბასკონიას კემპი (14, 15, და 16 წლამდე ასაკის ბავშვებისთვის);

2-30 აგვისტო – მოთამაშეთა განვითარების ლიგა (ეს პერიოდი მოიცავს სრულ პროექტს);

20-25 ივლისი – 20-წლამდელთა ევროჩელენჯი ვაჟებში;

9-14 აგვისტო – 16-წლამდელთა ევროჩელენჯი გოგონებში;

1-10 სექტებერი – 16, 18 და 20 წლამდელთა ჩემპიონატების საკვალიფიკაციო ეტაპების დაწყება;

1-10 სექტემბერი – 14 წლამდელთა „ა“ ლიგის გაგრძელება;

1-10 სექტემბერი – 14 წლამდელთა „ბ“ ლიგის გაგრძელება;

20-30 სექტემბერი – 16, 18 და 20-წლამდელთა „ა“ ლიგების დაწყება;

20-30 სექტემბერი – 16, 18 და 20-წლამდელთა „ბ“ ლიგების დაწყება;

22-30 ნოემბერი – მსოფლიო ჩემპიონატის საკვალიფიკაციო ეტაპი;

1 დეკემბერი – 2021-2022 წლების სეზონის ასაკობრივი ლიგების, 14, 16, 18 და 20-წლამდელთა ახალი სეზონის დაწყება ახალი სისტემით, რომელიც კლუბებს, გუნდებს, მწვრთნელებს და წარმომადგენლებს წინა სამუშაო შეხვედრებზე ეცნობათ.

GBF.GE