ბრაზილიაში მიმდინარე კოპა ამერიკის ჯგუფური ეტაპის მეხუთე ტურში, არგენტინის ნაკრებმა 4:1 გაანადგურა ბოლივიის ეროვნული გუნდი. არგენტინელთა კაპიტანმა, ლიონელ მესიმ, დუბლი მიითვალა და ერთი საგოლე პასითაც გამოირჩა, მაგრამ საინტერესო ის არის, რომ ეს შეხვედრა მესისთვის 148-ე გამოდგა „ალბისელესტეს“ შემადგენლობაში.

ამისდაკვალად, გენიალურმა ლეომ ხავიერ მასკერანოს (147) რეკორდი დაამხო და არგენტინის ნაკრების ისტორიაში ყველაზე მეტი ჩატარებული მატჩი დაუგროვდა.

შემდეგ მოდიან: ხავიერ ძანეტი (143 მატჩი), რობერტო აიალა (114), ანხელ დი მარია (108), დიეგო სიმეონე (106) და სერხიო აგუერო (100).

ცნობისთვის, დიეგო მარადონას ეროვნული ნაკრების მაისურა 91-ჯერ მოურგია.