კრიშტიანუ რონალდუმ პორტუგალიის ნაკრებში 109 გოლის გატანა მოახერხა და ირანელი ალი დაეის რეკორდი გაიმეორა. თუმცა, ვეტერანმა აზიელმა თქვა, რომ მას 111 გოლი აქვს ნაკრებში გატანილი. მიუხედავად ამისა, დაეი რონალდუს ულოცავს და ამბობს, რომ პორტუგალიელმა რეკორდი დაიმსახურა.

„ველოდი, რომ კრიშტიანუ ჩემს რეკორდს დაამხობდა. რეალურად, მე 111 გოლი გავიტანე, მაგრამ ამას აღარ აქვს მნიშვნელობა. დარწმუნებული ვარ, რონალდუ კიდევ ბევრ გოლს გაიტანს, რადგან დიდებულ ფორმაშია. ძალიან მჯერა, რომ კრიშტიანუ იმსახურებს ამ რეკორდს. მისნაირი ფეხბურთელი, რომ ამხობს ჩემს რეკორდს, ეს ჩემთვის დიდი პატივია და კიდევ ერთ რეკორდს უდრის“, - თქვა დაეიმ.

შეგახსენებთ, რომ ალი დაეიმ კრიშტიანუ რონალდუს რეკორდს გამეორება რამდენიმე დღის წინ სოციალური ქსელის მეშვეობით მიულოცა.