ავსტრიის ნაკრებისა და ჩინური „შანხაის“ შემტევი, მარკო არნაუტოვიჩი, კარიერას იტალიაში გააგრძელებს - წერს ტვიტერში ჟურნალისტი ნიკოლო სკირა.

წყაროს ინფორმაციით, 32 წლის ავსტრიელით „ბოლონიაა“ დაინტერესებული და ფეხბურთელთან სამწლიანი კონტრაქტი უკვე შეუთანხმებია. მისი ხელფასი წელიწადში 2,7 მილიონი ევრო იქნება.

არნაუტოვიჩი ჩინეთში 2019 წლიდან თამაშობს, მანამდე კი „ვესტ ჰემში,“ „სტოკ სიტიში,“ „ვერდერში,“ „ინტერსა“ და „ტვენტეში“ მოუსინჯავს ძალა.