ნიდერლანდების ნაკრებს ტრავმის გამო თავდამსხმელი ლუკ დე იონგი გამოაკლდა, რომელმაც შეკრება უკვე დატოვა.
გამოცდილმა ფორვარდმა ვარჯიშზე მუხლი დაიზიანა, რის შედეგადაც ევრო 2020-ზე მისი თამაში გამოირიცხა. ფრანკ დე ბურს მისი შეცვლა აღარ შეუძლია, რადგან ტურნირი უკვე დაწყებულია.
დე იონგმა უკრაინასთან და ავსტრიასთან მატჩებში ითამაშა, თუმცა მხოლოდ შეცვლაზე. ნიდერლანდების ნაკრები ევროპის ჩემპიონატის მერვედფინალში ჩეხეთის ნაკრებს ან F ჯგუფის მესამეადგილოსანს შეხვდება.
