ნაციონალურ საკალათბურთო ასოციაციის აღმოსავლეთ კონფერენციის ფინალში „ატლანტა ჰოუქსი“ გავიდა. ნეიტ მაკმილანის გუნდმა სერიის მე-7 დაპირისპირებაში მეტოქე 7-ქულიანი სხვაობით 103:96 დაამარცხა.

თამაში თანაბარი უპირატესობით მიმდინარეობდა, გუნდებს შორის ყველაზე დიდი სხვაობა კი სწორედ შეხვედრის ბოლო წუთზე დაფიქსირდა, მანამდე კი ანგარიში წუთზე ანგარიში 92:93 იყო და მომდევნო ეტაპზე გასვლის შანს ორივე მათგანი იმსახურებდა.

კარგი თამაში ჩაატარა ჟოელ ემბიდმა, რომელმაც 41 წუთში 31 ქულით, 11 მოხსნნითა და 3 პასით ორმაგი დუბლი გაიფორმა. თუმცა, ამის მიუხედავად საკუთარი გუნდი მარცხისგან ვერ იხსნა. აღსანიშნავია ის ფაქტიც, რომ კამერუნელი ცენტრი მთელი თამაშის განმავლობაში ტრავმის ფონზე თამაშობდა.

გამარჯვებულთა რიგებში კი კევინ ჰიურტერი გამოირჩა. 22 წლის ამერიკელმა 27 ქულა, 7 მოხსნა და 3 პასი ჰქონდა. ორმაგი დუბლი კი კიდევ სამ კალათბურთელს: ტობიას ჰარისს (24 ქულა, 14 მოხსნა, 4 პასი), ტრეი იანგს (21 ქულა, 3 მოხსნა, 10 პასი) და ჯონ კოლინსს (14 ქულა, 16 მოხსნა და 1 პასი) ჰქონდა.

„ატლანტა ჰოუქსი“ აღმოსავლეთ კონფერენციის ფინალში გავიდა, სადაც „მილუოკი ბაქსს“ დაუპირისპირდება. ამ გუნდების პირველი შეხვედრა კი 24 ივნისს გაიმართება.