უნგრეთის ნაკრები ევროპის ჩემპიონატზე სიკვდილის ჯგუფში ასპარეზობს და აუტსაიდერად მიიჩნევა, თუმცა მსოფლიოს მოქმედ ჩემპიონ საფრანგეთთან ფრეს ხელი მაინც გამოჰკრეს (1:1).

თამაშის შემდეგ მთავარმა მწვრთნელმა მარკო როსიმ პრესკონფერენციაზე იტირა. მან ემოციები ვერ შეიკავა და თავი პატარა ბავშვს შეადარა, რომელიც გასართობ პარკში ყველა თამაშით სიამოვნების მიღებას ცდილობს.

„ფრანგებთან ტექნიკური განსხვავება დიდი იყო, მაგრამ ეს სიცარიელე ორგანიზებულობით და გულით შევასვეთ. ეს ბიჭების დამსახურებაა. ასეთ თამაშებს მხოლოდ ტელევიზორში ვუყურებდი, ახლა აქ ვარ, 56 წლის ასაკში, ისე ვიყურები, როგორც ბავშვი გასართობ პარკში, რომელსაც სურს ყველა თამაშით ისიამოვნოს. ფეხი მიწაზე უნდა დავდგათ, მე არს სულელი ვარ და მითუმეტეს არც ამპარტავანი. არ ვიტყვი, რომ მიუნხენში გერმანელებს დავამარცხებთ, მაგრამ ყველაფერს გავაკეთებთ. დღეს კი ჩემთვის განსაკუთრებული დღეა, სულ ესაა“, - თქვა როსიმ.

შეგახსენებთ, უნგრეთის ნაკრებმა პორტუგალიასთან 84-ე წუთამდე შეინარჩუნა ნულოვანი ანგარიში და ბოლო წუთებში დამარცხდა, რასაც ფრანგებთან ქულა მოჰყვა. ბოლო ტურში უნგრეთი მიუნხენში გერმანიას დაუპირისპირდება.