ძიუდო

20:16 | 12.06.2021 | ნანახია [] - ჯერ

გელა ზაალიშვილი მსოფლიოს ჩემპიონატზე მედლის გარეშე დარჩა

უნგრეთის დედაქალაქ ბუდაპეშტში ძიუდოში მსოფლიოს ჩემპიონატის მე-7 საშეჯიბრო დღეს გელა ზაალიშვილი (+100 კგ) ძალიან ახლოს იყო ბრინჯაოს მედალთან, მაგრამ საბოლოოდ მიზანს ვერ მიაღწია და ჯერ ნახევარფინალი წააგო, მერე მედლისთვის შეხვედრაც დათმო.

ზაალიშვილი პირველი წრისგან თავისუფალი იყო, ხოლო მეორე წრეში სენეგალელ მბაგნიკ ნდიაეს აჯობა, რასაც ავსტრიელ დანიელ ალერსტორფერი დაამარცხა, ხოლო მეოთხედფინალი ნიდერლანდელ როი მეიერთან გამარჯვების შედეგად დაძლია. გელა ნახევარფინალში რუსეთის სახელით მოასპარეზე თამერლან ბაშაევს შეხვდა და იპონით მარცხი განიცადა, შედეგად ფინალს მიღმა დარჩა. ბრინჯაოს მედლისთვის გელა უკრაინელ იაკივ ხამოს დაუპირისპირდა და იპონით მარცხი განიცადა, შესაბამისად, მედალი ვერ მოიპოვა.

დღესვე, ქალთა შორის +78 კგ წონით კატეგორიაში სოფიო სომხიშვილმა იასპარეზა და სამხრეთ კორეელ ჰაიუნ კიმთან წააგო და ასპარეზობას გამოეთიშა.

შეგახსენებთ, ქართველმა ძიუდოისტებმა მსოფლიოს ჩემპიონატზე 1 ოქროს (ლაშა შავდათუაშვილი), 1 ვერცხლისა (ტატო გრიგალაშვილი) და 2 ბრინჯაოს მედალი (ვარლამ ლიპარტელიანი და ილია სულამანიძე) მოიპოვეს. საქართველომ გუნდურ ჩათვლაში მეორე ადგილი დაიკავა და მოსფლიოს ჩემპიონატზე 4 მედალი ჩვენი ქვეყნისთვის სარეკორდო მაჩვენებელია. 13 ივნისს კი მსოფლიოს ჩემპიონატი გუნდურ პირველობაში გაიმართება.

0.126007