ფეხბურთი

15:30 | 11.06.2021 | ნანახია [] - ჯერ

„ჩემი დრო ტენერიფეში ამოიწურა" - ოთარ კაკაბაძემ "ტენერიფე" დატოვა

საქართველოს ნაკრების ფეხბურთელი ოთარ კაკაბაძე „ტენერიფეს დაემშვიდობა. მას ესპანურ გუნდთან კონტრაქტი ამოეწურა და ახლა თავისუფალი აგენტია. 25 წლის მცველმა სოციალურ ქსელში პოსტი განათავსა, სადაც გუნდში მომუშავე პერსონალსა და გულშემატკივრებს მადლობა გადაუხადა.

„ჩემი დრო "ტენერიფეში" ამოიწურა. სპორტული თვალსაზრისით რთული წელი გამოდგა და ფეხბურთისგან სიამოვნებას ვერ ვიღებდი ისე, როგორც მინდოდა. გასახდელში ურთიერთობა პროფესიონალებთან მიწევდა და ისინი მუდამ ჩემს გულში დარჩებიან. მინდა მადლობა გადავუხადო გულშემატკივრებს, კლუბში მომუშავე ადამიანებს და ჩემს თანაგუნდელებს. ისინი პირველივე დღიდან მუდამ ჩემს გვერდით იყვნენ“, - დაწერა კაკაბაძემ ინსტაგრამში.

შეგახსენებთ, რომ ოთარ კაკაბაძე „ტენერიფეში გასულ სეზონს „ლუცერნიდან“ გადავიდა, რომლის რიგებშიც ყველა ტურნირის ჩათვლით 19 შეხვედრა ჩაატარა და გოლი არ გაუტანია. ესპანური და შვეიცარიული გუნდის გარდა ქართველ ფეხბურთელს „ხიმნასტიკში“, „ესბიერგში“ და „დინამო თბილისის“ რიგებში უთამაშია. საქართველოს ნაკრებში კი 41 მატჩი ჩაატარა.

0.100683