კალათბურთი

10:18 | 8.06.2021 | ნანახია [] - ჯერ

NBA: „ბრუკლინ ნეტსი“ სერიაში 2:0 დაწინაურდა - „ფინიქს სანსმა“ პირველი მატჩი მოიგო (+VIDEO)

ნაციონალურ საკალათბურთო ასოციაციაში მორიგი მატჩები გაიმართა. „ბრუკლინ ნეტსმა“ სერიაში“ უპირატესობა გაიმყარა და „მილოუკი ბაქსს“ უკვე 2:0-ს უგებს.

თამაში ბრიკლინელებმა ძალიან კარგად დაიწყეს, პირველი პერიოდი 17-ქულიანი უპირატესობით მოიგეს და თამაშის ბოლომდე ყველა მეოთხედში ანგარიშის მხოლოდ გაზრდას აგრძელებდნენ. საბოლოო ჯამში კი სტივ ნეშის გუნდმა 39 ქულით - 125:86 იმარჯვა.

აღნიშნულ შეხვედრაში საუკეთესო კევინ დურანტი იყო, ამერიკელმა კალათბურთელმა არასრულ 33 წუთში 32 ქულა, 4 მოხსნა და 6 პასი მიითვალა, ხოლო კაირი ირვინგი 22 ქულით, 5 მოხსნითა და 6 პასით გამოირჩა. დამარცხებულთა რიგებში კი ყველაზე შედეგიანი იანის ანტენტოკუნმპო იყო, რომელმაც 18 ქულით, 11 მოხსნითა და 4 პასით ორმაგი დუბლი მიითვალა.

სერიის მესამე დაპირისპირება 11 ივნისს გაიმართება.

დღის მეორე შეხვედრაში კი „ფინიქს სანსი“ „დენვერ ნაგთსს“ დაუპირისპირდა და 122:105 მოიგო. მონტი უილიამსის გუნდი უპირატესობას მეორე ნახევარში დაეუფლა და სერიის პირველი დაპირისპირება მოგებით გახსნა.

ყველაზე შედეგიანი „ფინიქსის“ კალათბურთელი მიკალ ბრიჯესი იყო. 24 წლის ამერიკელმა საკუთარ გუნდს 23 ქულა, 5 მოხსნა და 5 პასი შესძინა, ხოლო დენვერიდან ნიკოლა იოკიჩი გამოირჩა, რომელსაც 22 ქულა, 9 მოხსნა, 3 პასი ჰქონდა და ორმაგ დუბლამდე მხოლოდ 1 მოხსნა დააკლდა.

ამ გუნდებს შორის ყველაფერი ახლა იწყება, სერიის მეორე მატჩი კი 10 ივნისს გაიმართება.

0.116452