მადრიდის „რეალის“ კაპიტანი სერხიო რამოსი შესაძლოა „სევილიაში“ დაბრუნდეს. ესპანური As-ის ცნობით, 34 წლის ფეხბურთელი „სამეფო კლუბთან“ კონტრაქტს არ გააფორმებს და გამორიცხული არაა, ანდალუსიაში დაბრუნების გადაწყვეტილება მიიღოს.

რამოსით „მანჩესტერ სიტი“ და „პარი სენ ჟერმენი“ არიან დაინტერესებულნი, მაგრამ „სევილია“ მისი მშობლიური გუნდია. მიუხედავად იმისა, რომ სევილიელ ფანებთან მას ბოლო დროს პრობლემები ჰქონდა, მაინც არ გამორიცხავენ, რომ არჩევანი გულით გააკეთოს.

შეგახსენებთ, სერხიო რამოსის კარიერა სწორედ „სევილიაში“ დაიწყო, საიდანაც 2005 წელს მადრიდის „რეალში“ გადავიდა და 671 მატჩში 101 გოლის გატანა მოახერხა.