გენუის „სამპდორიას“ თავდამსხმელმა ფაბიო კუალიარელამ კლუბთან კონტრაქტი გაახანგრძლივა და ლიგურიელთა ღირსებას 2022 წლის 30 ივნისამდე დაიცავს. ინფორმაცია „სამპას“ ვებგვერდმა ოფიციალურად დაადასტურა.

38 წლის კუალიარელა „სამპდორიას“ ლეგენდაა, სადაც 2006-2007 წლებში და 2015 წლიდან თამაშობს. გასულ სეზონში 33 მატჩში 13 გოლი გაიტანა, მთლიანობაში კი 222 შეხვედრაში 99 გოლი აქვს გატანილი. 2018-2019 წლების სეზონში სერია A-ს საუკეთესო ბომბარდირი 26 გოლით გახდა.

ფაბიო კუალიარეალას სხვადასხვა დროს „ტორინოს“, „ფიორენტინას“, „კიეტის“, „ტორინოს“, „ასკოლის“, „უდინეზეს“, „ნაპოლისა“ და „იუვენტუსის“ ღირსებას იცავდა, იტალიის ნაკრებში კი 28 თამაშში 9 გოლი გაიტანა.