„მანჩესტერ იუნაიტედის“ მთავარმა მწვრთნელმა ოლე გუნარ სულშერმა ევროპის ლიგის ფინალში „ვილიარეალთან“ მატჩის წინ პრესკონფერენცია გამართა და განაცხადა, რომ მისი გუნდისგან გამარჯვებას ელოდება.

„ამ მატჩისთვის ჩვეულებრივად ვემზადებით, ჩვენ არ ვაპირებთ წნეხის ქვეშ მოქცევას, რადგან თუ „მანჩესტერ იუნაიტედში“ თამაშობ, მაშინ აბსოლუტურად ყველა მატჩი მნიშვნელოვანია. ყველა მოთამაშე, რომელიც ფინალში გადის, ელოდება გამარჯვებას და მასზე ზეწოლა ხორციელდება. ვგეგმავთ გამარჯვებას და ველით, მაგრამ დარწმუნებული ვარ, უნაი ემერი და მისი ფეხბურთელებიც იგივეს გრძნობენ. ფინალში შანსი ყოველთვის თანაბარია, ყველაფერი შეიძლება მოხდეს, მაგრამ დარწმუნებული ვარ, რომ მზად ვართ.

სეზონის შეფასებას მხოლოდ ამ თამაშის დასრულების შემდეგ შევძლებთ. შინ ბედნიერები მხოლოდ გამარჯვების შემთხვევაში დავბრუნდებით“, - თქვა სულშერმა.

აღსანიშნავია, რომ ევროთასის ფინალში ინგლისურ გუნდს ესპანური გუნდი 2001 წლის შემდეგ არ დაუმარცხებელია. ევროპა ლიგის ფინალი დღეს, თბილისის დროით 23:00 საათზე გაიმართება.