„ვესტ ბრომვიჩის“ მთავარმა მწვრთნელმა, სემ ელარდაისმა, გუნდიდან წასვლის შესახებ განაცხადა. 66 წლის „დიდი სემი“ კლუბს სეზონის დამთავრებისთანავე დატოვებს.

„კლუბმა კონტრაქტის გაგრძელება შემომთავაზა, რისთვისაც დიდი მადლობა მათ, მაგრამ ხანგრძლივი ფიქრის შემდეგ, გადავწყვიტე უარი მეთქვა.

გუნდი პრემიერლიგაში რომ დამეტოვებინა, ალბათ გავაგრძელებდი მუშაობას. ახლა ჯობს ახალგაზრდა და ამბიციური მწვრთნელი მოძებნონ, რომელიც „ვესტ ბრომს“ თავის ადგილზე, ანუ პრემიერლიგაში დააბრუნებს.“ - განაცხადა ელარდაისმა.

„ვესტ ბრომვიჩმა“ 37 მატჩში 26 ქულა დააგროვა და ცხრილში მე-19 ადგილზეა. პრემიერლიგას ისინი რამდენიმე ტურის წინ დაემშვიდობნენ.