საფრანგეთის ნაკრების მთავარმა მწვრთნელმა დიდიე დეშამმა ევროპის ჩემპიონატისთვის 26-კაციანი შემადგენლობა დაასახელა და გუნდში კარიმ ბენზემაც გამოიძახა.

2015 წლის შემდეგ პირველად, მადრიდის „რეალის“ თავდამსხმელი ეროვნულ ნაკრებში დააბრუნეს. ბენზემა მატიე ვალბუენასთან ვიდეო შანტაჟის სკანდალის გამო მოკვეთეს ნაკრებიდან, მაგრამ ამჯერად, დეშამმა უკან დაიხია და ის ევროპის ჩემპიონატისთვის განაცხადშია.

დიდიე დეშამმა საფრანგეთის ნაკრებში შემდეგ 26 ფეხბურთელი გამოიძახა:

მეკარეები: უგო ლორისი (ტოტენჰემი, ინგლისი), მაიკ მაინანი (ლილი), სტივ მანდანდა (მარსელი)

მცველები: ლეო დუბუა (ლიონი), ბენჟამინ პავარი (ბაიერნი, გერმანია), პრესნელ კიმპემბე (პსჟ), ჟულეს კუნდე (სევილია, ესპანეთი), კლემენ ლენგლე (ბარსელონა, ესპანეთი), რაფაელ ვარანი (რეალი, ესპანეთი), კურტ ზუმა (ჩელსი, ინგლისი), ლუკას დინი (ევერტონი, ინგლისი), ლუკას ერნანდესი (ბაიერნი, გერმანია)

ნახევარმცველები: ნგოლო კანტე (ჩელსი, ინგლისი), ტომას ლემარი (ატლეტიკო, ესპანთი), პოლ პოგბა (მანჩესტერი, ინგლისი), ადრიენ რაბიო (იუვენტუსი, იტალია), მუსა სისოკო (ტოტენჰემი, ინგლისი), კორენტინ ტოლისო (ბაიერნი, გერმანია)

თავდამსხმელები: ვისამ ბენ იედერი (მონაკო, საფრანგეთი), კარიმ ბენზემა (რეალი, ესპანეთი), კინგსლი კომანი (ბაიერნი, გერმანია), უსმან დემბელე (ბარსელონა, ესპანეთი), ანტუან გრიზმანი (ბარსელონა, ესპანეთი), კილიან მბაპე (პსჟ,საფრანგეთი), მარკუს ტიურამი (გლადბახი, გერმანია), ოლივიე ჟირუ (ჩელსი).

შეგახსენებთ, საფრანგეთის ნაკრები ევროპის ჩემპიონატზე ე.წ „სიკვდილის ჯგუფში“ ითამაშებს, სადაც პორტუგალიის, გერმანიისა და უნგრეთის ნაკრებებიც იასპარეზებს.