ესპანეთის ლა ლიგაში გიორგი ქოჩორაშვილმა ზედიზედ მეორე მატჩი ჩაატარა. „ლევანტეს“ ქართველ ნახევარმცველს თამაშის შესაძლებლობა „ხეტაფესთან“ საგარეო მატჩში მიეცა.

21 წლის ფეხბურთელი მინდორზე 71-ე წუთზე ხოსე მორალესის ნაცვლად გამოჩნდა და 19 წუთი ითამაშა. მატჩი მადრიდელებმა დაძაბულ ბრძოლაში 2:1 მოიგეს.

გიორგიმ მიმდინარე სეზონში „ლევანტეს“ მთავარი გუნდის მაისურით მეხუთე თამაში ჩაატარა („ბეტისთან”, „ბარსელონასთან“ და „ხეტაფესთან“ ლა ლიგაში, „მურსიასთან“ და „პორტუგალეტესთან“ სამეფო თასზე) და 1 გოლი გაიტანა, სამეფო თასზე „მურსიასთან“. ისიც გავიხსენოთ, რომ ქოჩორაშვილს ლა ლიგაში დებიუტი ჯერ კიდევ გასული სეზონის ბოლოს „ბილბაოსთან“ ჰქონდა.

აქვე გეტყვით, რომ „ლევანტე“ 40 ქულით მე-14 ადგილზეა და გავარდნა არ ემუქრება, 21 მაისს კი ბოლო ტურში „კადისს“ უმასპინძლებს.