თამაშგარე

13:26 | 14.05.2021 | ნანახია [] - ჯერ

ვალენტინა სამპაიო გააბრაზეს

წელს ივნისში ევროპის საფეხბურთო ჩემპიონატის პარალელურად სამხრეთ ამერიკის მთავარი სპორტული ღონისძიება - კოპა ამერიკის გათამაშებაც უნდა დაიწყოს. თუმცა ევროპელებისგან განსხვავებით, სამხრეთამერიკელებს ჯერ კიდევ არა აქვთ ნათელი ხედვა, კორონა-პანდემიის პირობებში თუ როგორ შეიძლება ჩატარდეს ეს მნიშვნელოვანი ტურნირი.

ბრაზილიელი მოდელი ვალენტინა სამაპაიო (რომელიც ბრაზილიის საფეხბურთო ნაკრების სულ ცინცხალ თილისმად ითვლება) ნამტანი აღუშფოთებია წლევანდელი კოპა ამერიკის გათამაშების მასპინძელი ქვეყნების - არგენტინის და კოლუმბიის მთვლემარებას და კაი-კაი მწარე სიტყვებს არ იშურებს მათ მიმართ.

ვალენტინა ამბობს, რომ იგი აპირებს ტურნირზე გაჰყვეს ბრაზილიის ნაკრებს და ბოლომდე უქომაგოს, თუმცა ამაში ხელს არგენტინელი და კოლუმბიელი საფეხბურთო ჩინოსნები უშლიან, რომლებმაც ჯერ კიდევ ვერ მოაბეს თავი ტურნირის ორგანიზების დეტალებს. ვალენტინა სამპაიოს აზრით, არგენტინა და კოლუმბია არ იმსახურებენ ასეთი გათამაშების მასპინძლობას და იმედია შემდეგში მათ აღარავინ ენდობა.

0.145644