ფეხბურთი

18:28 | 11.05.2021 | ნანახია [] - ჯერ

ვერატი სავარაუდოდ ევროპის ჩემპიონატს გამოტოვებს

„პარი სენ ჟერმენის“ ნახევარმცველი მარკო ვერატი შესაძლოა ევროპის ჩემპიონატს მიღმა დარჩეს. იტალიელმა ფეხბურთელმა მარჯვენა მუხლი დაიზიანა და როგორც სამედიცინო გამოკვლევამ აჩვენა, დაზიანება საკმაოდ სერიოზულია.

ვერატი 4-6 კვირას იუქმებს და ვინაიდან, ევრო 2020 კარსაა მომდგარი, უნცობია, შეძლებს თუ არა წლის მთავარ საფეხბურთო ფორუმზე მონაწილეობის მიღებას. ვერატიმ ევრო 2016-ზეც ვერ ითამაშა, რადგან მაშინაც ტურნირის დაწყების წინ ტრავმა მიიღო და შესაბამისად, ზედიზედ მეორედ ემუქრება ევროპის ჩემპიონატის გაცდენა. ტრავმის სიმძიმე მაურისიო პოჩეტინომაც დაადასტურა:

„მარკო ძალიან დამწუხრებულია. პსჟ-ში მისთვის სეზონი დასრულდა, მაგრამ ვიმედოვნებ, რომ ევროპის ჩემპიონატზე თამაშს მოახერხებს“, - აღნიშნა პოჩეტინომ.

მარკო ვერატი იტალიის ნაკრების ნახევარდაცვის ერთ-ერთი მთავარი დასაყრდენია და რობერტო მანჩინის გუნდისთვის დიდი დანაკლისი იქნება.

0.110905