უნგრეთის ჩემპიონატის 33-ე ტურში ბუდუ ზივზივაძის "ფეჰერვარი" სტუმრად "დიოშგიორს" დაუპირისპირდა და მეტოქე 4:0 დაამარცხა. აღნიშნულ შეხვედრაში ქართველი ფორვარდი თამაშში 62-ე წუთზე ჩაერთო და 79-ე წუთზე გოლი გაიტანა. ბუდუმ ანგარიში 3:0 გახადა.

27 წლის ფორვარდმა უნგრეთის ჩემპიონატის სეზონი 30 მატჩში 9 გოლით და 8 საგოლე პასით დაასრულა, გარდა ამისა, 3 გოლი უნგრეთის თასზეც გაიტანა, სადაც მისი გუნდი ფინალში დამარცხდა. "ფეჰერვარმა" სეზონი 56 ქულით მესამე ადგილზე დაასრულა და ევროპის კონფერენს ლიგის საგზური მოიპოვა.