ცნობილმა იტალიელმა მწვრთნელმა ფაბიო კაპელომ „პარი სენ ჟერმენის“ თავდამსხმელი ნეიმარი გააკრიტიკა. მისი აზრით, „მანჩესტერ სიტისთან“ ბრაზილიელმა ლიდერის თვისებები ვერ აჩვენა და უსარგებლო დრიბლინგები გააკეთა.

„სიტიში“ ყველა ფეხბურთელი თავმდაბალია, დარბიან, პრესინგს თამაშობენ, ერთმანეთს ეხმარებიან, ტიტულის მოგებას უმიზნებენ. ნეიმარი არ მომეწონა, იმედი მქონდა, რომ უფრო მეტს გააკეთებდა, არასწორ ადგილებში უსარგებლო დრიბლინგები ჰქონდა და ლიდერის როლშიც ძალიან ცოტა გააკეთა. მან გუნდი ვერ გაიყოლა და ვერ მიიყვანა მიზნამდე“, - თქვა კაპელომ.

შეგახსენებთ, „პარი სენ ჟერმენი“ „მანჩესტერ სიტისთან“ ორი მატჩის ჯამში 1:4 (1:2, 0:2) დამარცხდა და ჩემპიონთა ლიგის ფინალში ზედიზედ მეორედ გასვლა ვეღარ შეძლო.