ფეხბურთი

21:11 | 27.04.2021 | ნანახია [] - ჯერ

პოჩეტინო: "რთული თამაში გველოდება, მაგრამ ვიმედოვნებთ, რომ გავიმარჯვებთ"

„პარი სენ ჟერმენის“ მთავარმა მწვრთნელმა მაურისიო პოჩეტინომ ჩემპიონთა ლიგის ნახევარფინალში „მანჩესტერ სიტისთან“ მატჩამდე პრესკონფერენცია გამართა. არგენტინელი სპეციალისტი ძალიან რთული თამაშის მოლოდინშია, მაგრამ მისი გუნდის შესაძლებლობების სჯერა.

„ეს არ არის პირადი დაპირისპირება მწვრთნელებს შორის, არამედ ორი ძალიან კარგ გუნდს შორის. გვარდიოლა მსოფლიოში ერთ-ერთი საუკეთესო მწვრთნელია, თუ არა საუკეთესო. მე მის კარიერას დიდ პატივს ვცემ, არა მხოლოდ ტიტულების, არამედ იმ მემკვიდრეობის გამო, რომელსაც აშენებს. მე ვარ მწვრთნელი, ვისაც ფეხბურთი უყვარს და ვცდილობ მისგან ვისწავლო კოკურენცია და გამარჯვება.

ორივე გუნდს წარმოუდგენელი ფეხბურთელები ჰყავს, რომელთა შეჩერება 90 წუთის განმავლობაში ძალიან რთულია. ეს იქნება, მძიმე თამაში. „სიტის“ ფანტასტიკური სეზონი აქვს, მაგრამ პეპთან ერთად ყოველთვის ასეა. რთულ თამაშს ველოდებით და ვიმედოვნებთ კარგად ვითამაშებთ, გავიმარჯვებთ. ეს არის მთავარი მიზანი.

ფილ ფოდენს ძალიან კარგად ვიცნობ, ეს მოთამაშე უნდა გავაკონტროლოთ. გვაქვს იდეები ეს როგორ უნდა გავაკეთოთ, მაგრამ ამოცანა რთულია. ასევე რთული იქნება, რიად მაჰრეზის, კევინ დე ბრუინი, რაჰიმ სტერლინგის, სერხიო აგუეროს და გაბრიელ ჟესუსის გაჩერება. „სიტი“ საუკეთესო გუნდია, მას შესანიშნავი ფეხბურთელები და სამწვრთნელი შტაბი ჰყავს.

ბერნატის და ფლორენცის თამაში გამორიცხულია, დანარჩენები ყველანი მზად არიან. „სიტი“ პლანეტის ერთ-ერთი საუკეთესო გუნდია, საუკეთესო მწვრთნელი ჰყავს. რა თქმა უნდა, უფრო რთული თმაში თამაში იქნება, ვიდრე „ბაიერნთან“ იყო. მთავარია 180 წუთი, რომლის შედეგების მიხედვით გაირკვევა ვინ გავა ფინალში“, - თქვა პოჩეტინომ.

შეგახსენებთ, რომ პსჟ-სა და „მანჩესტერ სიტის“ მატჩი 28 აპრილს, თბილისის დროით 23:00 საათზე გაიმართება.

0.165401