ჟირონდას „ბორდო“ კრიზისშია და საფრანგეთის ლიგა 1-დან გავარდნა ემუქრება. ბოლო ტურში ჟან-ლუი გასეს გუნდმა უშუალო კონკურენტ „ლორიენთან“ 1:4 წააგო და მდგომარეობა კიდევ უფრო დაიმძიმა.

„ბორდოს“ თავდამსხმელმა ჯიმი ბრიანმა კი სათადარიგო სკამზე დაიძინა. როდესაც „ლორიენი“ 3:0-ს იგებდა, ტელეკამერებმა დააფიქსირეს ბრიანი, რომელიც ძილს მისცემოდა და თავისი გუნდის გასაჭირი სულაც არ აღელვებდა.

„ბორდოს“ ბოლო 9 ტურში 8 წაგება აქვს და 36 ქულით მე-16 ადგილზეა, გასავარდნ ზონას კი სეზონის დასრულებამდე 4 ტურით ადრე 5 ქულით უსწრებს.