საქართველოს კრისტალბეთ ეროვნული ლიგის მეათე ტური და შესაბამისად მეორე წრე ქობულეთის „შუქურასა“ და გორის „დილას“ მატჩით დაიწყო.

გორელები ევროზონაში არიან და პირველ წრეში საკმაოდ კარგი ფეხბურთიც აჩვენეს, ამიტომ ფავორიტად განიხილებოდა, მაგრამ გიორგი შაშიაშვილის გუნდის ძლევა ვერ მოახერხა.

უგოლო პირველი ტაიმის შემდეგ გუნდებმა მეორე ნახევარში გოლები გაცვალეს. ჯერ მიშიკო სარდალიშვილმა „შუქურა“ დააწინაურა, ხოლო თამაშის დასრულებამდე 15 წუთით ადრე ჩიტეიშვილმა გაათანაბრა და ანდრეი დემჩენკოს გუნდი მარცხს გადაურჩა.

ქობულეთს „შუქურა“ 13 ქულით მეექვსე ადგილზეა, ხოლო „დილას“ 18 ქულა აქვს და სატურნირო ცხრილში მესამე პოზიციაზე იმყოფება.

„შუქურა“ – „დილა“ 1:1 (0:0)

გოლები: 1:0 სარდალიშვილი (54), 1:1 ჩიტეიშვილი (75)