საქართველოს ჩემპიონმა წყალბურთში „დინამო თბილისმა“ ჩემპიონთა ლიგაზე ასპარეზობა დაასრულა. დეიან სტანოიევიჩის გუნდი ბოლო ტურში უნგრულ „ფერენცვაროშს“ დაუპირისპირდა და იბრძოლა, მაგრამ გამარჯვება ვერ შეძლო.

უნგრელებმა გადამწყვეტი უპირატესობა პირველ ტაიმში მოიპოვეს, როდესაც 8:4 დაწინაურდნენ და საბოლოოდ გამარჯვებაც იზეიმეს - 15:11.

„დინამომ“ მეორე ნახევარში მასპინძლებს მართლაც ღირსეული წინააღმდეგობა გაუწია, თუმცა ეს საკმარისი არ გამოდგა.

ამრიგად, „დინამო თბილისმა“ ჩემპიონთა ლიგის ჯგუფური ეტაპი 2 მოგებით და 8 წაგებით დაასრულა. 6 ქულა დააგროვა და ქვეჯგუფში მეხუთე-მეექვსე ადგილი „იადრანთან“ ერთად გაიყო.

„ფერენცვაროში“ – „დინამო თბილისი“ 15:11 (5:3, 4:2, 2:2, 4:4)