მადრიდის "რეალი" მზადაა ქარიმ ბენზემას კონტრაქტი ერთი წლით გაუხანგრძლივოს და უახლოეს მომავალში შეთავაზებას გააკეთებს. აღნიშნულ ინფორმაციას Marca ავრცელებს. ფრანგს "სამეფო კლუბთან" ხელშეკრულება 2022 წლის ივლისამდე აკავშირებს და "რეალის" გეგმით ბენზემა გუნდში 2023 წლის ივლისამდე დარჩება.

ქარიმი "რეალმა" 2009 წელს "ლიონიდან" დაიმატა. მას შემდეგ ბენზემამ 549 მატჩი ჩაატარა, გაიტანა 274 გოლი და 141 საგოლე გადაცემა შეასრულა. მიმდინარე სათამაშო წელს ფრანგმა 36 შეხვედრაში თავი 25 გოლით გამოიჩინა.