„მანჩესტერ იუნაიტედის“ ნახევარმცველმა პოლ პოგბამ ჟოზე მოურინიო და ოლე გუნარ სულშერი ერთმანეთს შეადარა. როგორც ფრანგმა ფეხბურთელმა განაცხადა, მათ შორის ერთი, მაგრამ დიდი განსხვავებაა.
„ერთი პერიოდი მოურინიოსთან შესანიშნავი ურთიერთობა მქონდა და ამას ყველა ხედავდა. მაგრამ შემდეგ რა მოხდა, არ ვიცი. ეს არის უცნაური რაღაც და არც კი ვიცი, როგორ უნდა ავხსნა.
ურთიერთობა, რომელიც ახლა ოლესთან მაქვს, განსხვავებულია, ის ფეხბურთელების წინააღმდეგ არ მიდის. შეიძლება ზოგიერ ფეხბურთელს არ ათამაშებდეს, მაგრამ ისე არ იქცევა, რომ თითქოს ისინი არ არსებოდნენ. ეს არის განსხვავება მოურინიოსგან“, - თქვა პოგბამ.
შეგახსენებთ, ჟოზე მოურინიო „მანჩესტერიდან“ 2018 წლის დეკემბერში დაითხოვეს და ამჟამად ლონდონის „ტოტენჰემის“ მწვრთნელია.
