ლონდონის „არსენალის“ მეკარემ, ბერნდ ლენომ, უახლოეს ხანში, შესაძლოა, კარიერა სხვა კლუბში გააგრძელოს - გვამცნობს Times.

წყაროს მტკიცებით, 29 წლის გერმანელს „მეთოფეებთან“ კონტრაქტის გახანგრძლივების სურვილი აღარ ჰქონია და მზადაა სხვა კლუბის წინადადება განიხილოს.

ლენო „არსენალში“ 2018 წლის ივნისში გადავიდა ლევერკუზენის „ბაიერიდან“ 22,5 მილიონ გირვანქად და ხუთწლიანი კონტრაქტი გააფორმა.

მიმდინარე სეზონში ლენომ „არსენალის“ მაისურით 41 მატჩი გამართა, 12-ჯერ შეინახა კარი „მშრალად“ და 43 ბურთი გაუშვა.