წყალტუბოს „სამგურალის“ მთავარი მწვრთნელის პოსტი უჩა სოსიაშვილმა დატოვა. ინფორმაცია იმერული გუნდის ვებგვერდმა გაავრცელა.
ახალგაზრდა სპეციალისტი ფეხბურთელებს დაემშვიდობა და მათ წარმატებები უსურვა. მასთან ერთად გუნდიდან მისი თანაშემწე თამაზ სამხარაძეც წავიდა.
უჩა სოსიაშვილმა „სამგურალი“ საქართველოს ეროვნულ ლიგაში 20-წლიანი პაუზის შემდეგ დააბრუნდა და საქართველოს თასის ფინალში გაიყვანა, სადაც „გაგრასთან“ დამარცხდა.
მიმდინარე სეზონში „სამგურალმა“ 8 ტურში 6 ქულა დააგროვა და მეშვიდე ადგილზეა, ახალი მწვრთნელის ვინაობა კი მოგვიანებით გაირკვევა. სოსიაშვილი 2015 წელს გორის „დილასთან“ ერთად საქართველოს ჩემპიონი გახდა.
