ფეხბურთი

11:45 | 11.04.2021 | ნანახია [] - ჯერ

ზიდანი: "ყველაფრის მსაჯზე დაბრალება შეუძლებელია, დამსახურებულად მოვიგეთ"

მადრიდის „რეალის“ მთავარმა მწვრთნელმა ზინედინ ზიდანმა „ბარსელონასთან“ (2:1) მატჩის შემდეგ კომენტარი გააკეთა. ფრანგი სპეციალისტის განცხადებით, მისმა გუნდმა დამსახურებულად იმარჯვა და ყველაფრის მსაჯზე დაბრალება არ შეიძლება.

„ძალიან კარგი გრძნობა მაქვს. შესანიშნავად დავიწყეთ და დამსახურებულად მოვიგეთ. მესამე გოლის გატანის ბევრი შანსიც გვქონდა. ყველას აქვს საკუთარი შეხედულება სიტუაციის შესახებ (ბრაითვაითის საჯარიმოში წაქცევა მენდისთან კონტაქტის შემდეგ - რედ), მაგრამ თუ მსაჯმა პენალტი არ დანიშნა, იმიტომ, რომ ამის მიზეზი არ არსებობდა.

მნიშვნელოვანია ის, რაც მოედანზე გავაკეთეთ. გაგვიჭირდა, რადგან „ბარსა“ ძლიერია, მაგრამ მსაჯს ყველაფერს ვერ დააბრალებ. ბედნიერი ვარ, ფეხბურთელების გამო. უამრავი ცვლილება გავაკეთეთ, ყველა ფეხბურთელი თამაშზეა ორიენტირებული და ყველას თამაში სურს. ეს ძალიან მახარებს. ყველა ერთად ვაკეთებთ საქმეს და ყველამ ერთად მოვიპოვეთ გამარჯვება“, - თქვა ზიდანმა.

შეგახსენებთ, „რეალმა“ „ბარსელონას“ ლა ლიგის ერთ სეზონში ორივე თამაში 2007-2008 წლების სეზონის შემდეგ პირველად მოუგო. გარდა ამისა, 43 წლის შემდეგ ზედიზედ სამი „ელ კლასიკო“ მიჯრით სამჯერ პირველად მოიგო.

0.10994