„ბარსელონას“ ბრაზილიელმა ნახევარმცველმა, ფილიპე კოუტინიომ, კიდევ ერთი ოპერაცია გადაიტანა - გვამცნობს კლუბის ოფიციალური ვებ-გვერდი, მას მარცხენა მუხლის მენისკი აწუხებდა.
შეგახსენებთ, რომ მსგავსი ოპერაცია კოუტინიომ შარშანაც გაიკეთა. აღდგენის პროცესი სამ თვეს უნდა გაგრძელებულიყო, მაგრამ მდგომარეობა ისევ დამძიმდა და განმეორებითი ქირურგიული ჩარევა დასჭირდა. კოუტინიო „ბარსელონაში“ 2018 წლიდან თამაშობს. მიმდინარე სეზონში 28 წლის შუახაზელმა ესპანური პრიმერას 12 მატჩში ორი ბურთი გაიტანა და ამდენივე საგოლე პასით გამოირჩა.
