2022 წლის მსოფლიო ჩემპიონატის შესარჩევი ეტაპის მე-3 ტურის მატჩში, ინგლისის ნაკრებმა „უემბლიზე“ პოლონელებს 2:1 მოუგო და I ჯგუფს მაქსიმალური 9 ქულით ლიდერობს.

შეხვედრის მე-19 წუთზე ანგარიში თერთმეტმეტრიანი დარტყმით მასპინძელთა კაპიტანმა, ჰარი კეინმა გახსნა.

Opta Joe-ს ცნობით, 27 წლის შემტევი ინგლისის ეროვნული გუნდის რეკორდსმენი გახდა პენალტების რეალიზაციის მაჩვენებლით. კეინს ახლა 10 ზუსტი დარტყმა მოუგროვდა. მანამდე რეკორდი ფრენკ ლამპარდს ეკუთვნოდა - 9 ზუსტი პენალტი.

ახლა კეინს „სამი ლომის“ შემადგენლობაში ჯამში 34 გოლი აქვს გატანილი, რეკორდსმენი კი უეინ რუნია 53 გოლით.