ესპანელმა მწვრთნელმა ჩაბი ალონსომ "სოსიედადთან" კონტრაქტი გაახანგრძლივა და სარეზერვო გუნდს 2022 წლის ივლისამდე გაწვრთნის. აღნიშნული ინფორმაცია კლუბის ოფიციალურმა ვებგვერდმა გაავრცელა.

39 წლის სპეციალისტი "გლადბახის" მთავარი მწვრთნელის პოსტზე მოიაზრება, თუმცა უცნობია ჯერჯერობით შედგა თუ არა მხარეებს შორის კონტაქტი. ესპანელმა სან-სებასტიანის სარეზერვო გუნდი 2019 წელს ჩაიბარა და მას შემდეგ მისმა გუნდმა 47 მატჩიდან 23 მოიგო და 12 შეხვედრა ფრედ დაასრულა.