ჭიდაობა

11:32 | 21.03.2021 | ნანახია [] - ჯერ

ზოიძე და გობაძე: "ვეცდებით, ტოკიოს ოლიმპიადიდან მედალი ჩამოვიტანოთ"

საქართველოს ბერძნულ-რომაული ჭიდაობის ნაკრების წევრებმა რამაზ ზოიძემ (67 კგ) და ლაშა გობაძემ (87 კგ) ბუდაპეშტის სალიცენზიო ტურნირზე ფინალში გასვლა მოახერხეს და ტოკიოს ოლიმპიადის ლიცენზა მოიპოვეს.

„მადლობა მინდა გადავუხადო ჩემს გულშემატკივრებს, მწვრთნელებს და ექიმებს, ძალიან იგრძნობოდა მათი გვერდში დგომა, აქამდე ოპტიმალურ ფორმაში მოგვიყვანეს. ძალიან ბედნიერი ვარ, რომ ლიცენზია ავიღე და მზად ვარ ტოკიოდან მედლით დავბრუნდე. ასევე ვულოცავ ჩემს მეგობარ ლაშა გობაძეს და მჯერა, რომ ერთად დიდ წარმატებას მივაღწევთ“, - განაცხადა ზოიძემ.

კომენტარი გააკეთა ლაშა გობაძემაც (87 კგ), რომელმაც ასევე დაიბევა ტოკიოს ოლიმპიადის ლიცენზია:

„ძალიან გახარებული ვარ, დიდი იმედით მივდივარ ოლიმპიადაზე და მინდა მწვრთნელებს მადლობა გადავუხადო მომზადებისთვის, რადგან არაფერი დაიშურეს იმისთვის, რომ ოპტიმალურ ფორმაში ვყოფილიყავით. კიდევ მოვემზადებით და დიდი იმედი მაქვს, რომ ოლიმპიადიდან კარგი სინჯის მედლები ჩამოვიტანო“, - თქვა გობაძემ.

ბერძნულ-რომაულ ჭიდაობაში ზოიძისა და გობაძის გარდა, ტოკიოს ოლიმპიადის ლიცენზია 2020 წლის მსოფლიოს ჩემპიონატზე ყაზახეთში გიორგი მელიამ (97 კგ) და იაკობ ქაჯაიამ (130 კგ) მოიპოვეს.

რაც შეეხება თავისუფალ ჭიდაობას: 6 ოლიმპიური წონიდან სამში ლიცენზია უკვე მოპოვებულია. ბუდაპეშტის ტურნირზე ლიცენზიას ავთანდილ კენჭაძე (74 კგ) დაეუფლა, ხოლო 2020 წელს ყაზახეთში გამართულ მსოფლიოს ჩემპიონატზე დაიბევეს ტოკიოს ოლიმპიადის საგზური ელიზბარ ოდიკაძემ (97 კგ) და გენო პეტრიაშვილმა (125 კგ) დაისაკუთრეს. მაისში კიდევ ერთი სალიცენზიო ტურნირია, სადაც მხოლოდ ფინალისტები მიიღებენ საგზურს და საქართველოს ნაკრებს თავისუფალ ჭიდაობაში 57, 65 და 86 კგ წონით კატეგორიებში საქართველოს ჯერ ლიცენზია არ აქვს, ხოლო ბერძნულ-რომაულში ორი წონაა თავისუფალი - 60 და 77.

0.125124