შვეიცარიის ქალაქ ნიონში მდებარე უეფას შტაბ-ბინაში ჩემპიონთა ლიგის მეოთხედფინალური და წინსწრებით ნახევარფინალური ეტაპის წილისყრა გაიმართა. შედეგად, ევროპის უპრესტიჟულეს ტურნირზე შემორჩენილი 8 გუნდი დაწყვილდა.

განსაკუთრებულ ინტერესს ორი წყვილი იწვევს: შარშანდელი ფინალის რიმეიქი ("ბაიერნი" - "პარი სენ ჟერმენი) და 2018 წლის ფინალის გამეორება ("რეალი" - "ლივერპული").

1/4-ფინალური წილისყრის საბოლოო შედეგები ასეთია:

"მანჩესტერ სიტი" (ინგლისი) - "დორტმუნდი" (გერმანია)

"პორტუ" (პორტუგალია) - "ჩელსი" (ინგლისი)

"ბაიერნი" (გერმანია) - "პარი სენ ჟერმენი" (საფრანგეთი)

"რეალი" (ესპანეთი) - "ლივერპული" (ინგლისი)

1/2-ფინალური ეტაპის წილისყრის შედეგები:

"ბაიერნი"/"პარი სენ ჟერმენი" - "მანჩესტერ სიტი"/"დორტმუნდი"

"რეალი"/"ლივერპული" - "პორტუ"/"ჩელსი"

მეოთხედფინალური ეტაპის პირველი მატჩები 6-7 აპრილს და საპასუხო შეხვედრები ერთი კვირის თავზე, 13-14 აპრილს გაიმართება. ფინალი 29 მაისს, სტამბოლში, „ათა თურქის“ სტადიონზეა ჩანიშნული.