ჩემპიონთა ლიგის მერვედფინალური შეხვედრების დასრულების შემდეგ, ერთი საინტერესო სტატისტიკური მიღწევა დაფიქსირდა.

პორტალი OptaFranz ტვიტერის საკუთარ გვერდზე წერს, რომ ტურნირის ისტორიაში პირველად მოხდა, რომ მეოთხედფინალურ სტადიაზე ერთი ქვეყნის ოთხი მწვრთნელი იმუშავებს - ედინ ტერზიჩი („დორტმუნდი“), იურგენ კლოპი („ლივერპული“), ტომას ტუხელი („ჩელსი“) და ჰანს-დიტერ ფლიკი („ბაიერნი“). ოთხივე გერმანელია.

მეოთხედფინალში ასევე გავიდნენ: „პარი სენ-ჟერმენი,“ „პორტუ,“ „მანჩესტერ სიტი“ და „რეალი.“

მეოთხედფინალების წილისყრა ხუთშაბათს, 19 მარტს გაიმართება შვეიცარიულ ნიონში.